Nəqliyyat

“Bakı Metropoliteni”ndə 200 ştat ixtisar edilib

“Bakı Metropoliteni”ndə 200 ştat ixtisar edilib | FED.az
10:18 2 Aprel 2019

“Bakı Metropoliteni” QSC-də aparılmış audit nəticəsində 922,5 min manat vergi məbləğinin müvafiq hesabat dövrləri üzrə dəqiqləşmiş vergi bəyannamələrinin təqdim edilməsi ilə dövlət büdcəsinə artıq ödəmələrin hesabına ödənilməsi (əvəzləşdirilməsi) təmin olunub.

FED.az Banker.az-a istinadən xəbər verir ki, bu, Hesablama Palatasının 2018-ci ildə fəaliyyəti barədə Milli Məclisə təqdim olunan hesabatında əksini tapıb.

Eləcə də bax: Bakıda "Ağ Şəhər" metro stansiyası tikiləcək - YER AYRILDI

Hesabat ilində ümumilikdə təhvil verilməmiş 1 666,0 min manat məbləğində inventar və avadanlıq təhvil verilib, 1 308,6 min manat məbləğində inventar və avadanlıq isə uçota alınıb. Həmçinin yerinə yetirilməmiş 3 818,5 min manat məbləğində işlərin görülməsi və 10,8 min manat dəyərində bina və tikilinin uçota alınması təmin edilib.

Bundan əlavə, aparılmış tədbirlərin nəticəsi kimi 197,5 vahid artıq saxlanılmış ştat vahidi ixtisar olunub.

Digər xəbərlər