Nəqliyyat

Bakı Avtovağzalının işçiləri maaş ala bilmir - RƏSMİ AÇIQLAMA

Bakı Avtovağzalının işçiləri maaş ala bilmir - RƏSMİ AÇIQLAMA | FED.az
08:32 19 Avq 2020

"Dünyada yayılan COVID-19 infeksiyasının əhatə dairəsinin genişlənməsi  qlobal iqtisadiyyata, o cümlədən  ticarət, turizm, ictimai iaişə və digər bir çox sahələrə öz mənfi təsirini göstərib. Ölkəmizdə mart ayından etibarən koronovirus xəstəliyinin yayılmasının qarşısını almaq məqsədilə bir sıra tədbirlər həyata keçirilib. Həmçinin,  paytaxt  Bakıdan regionlara və əksinə, eyni zamanda beynəlxalq  sərnişindaşımaya məhdudiyyət tətbiq olunub".

Eləcə də bax: Rayonlara giriş-çıxış qaydaları - MÜƏYYƏNLƏŞDİ

FED.az xəbər verir ki, sərnişindaşımanın dayanması səbəbindən Bakı Beynəlxalq Avtovağzal  Kompleksi  işçiləri müvafiq şəraitə uyğun olaraq fəaliyyətini dayandırıb.

Bu problem  Bakı Beynəlxalq Avtovağzal Kompleksi işçilərinin əməkhaqlarının bir müddət ödənilməməsi ilə nəticələnib:  

"Bakı Beynəlxalq Avtovağzalı Kompleksi əməkdaşlarının ödənilməyən  əmək haqlarının verilməsinə köməklik göstərilməsi üçün müvafiq qurumlara-Nəqliyyat, Rabitə və Yüksək Texnologiyalar Nazirliyi və  İqtisadiyyat Nazirliyinə müraciət edib. Problemin qısa zaman ərzində həll olunması üçün aidiyyəti qurumlar Bakı Beynəlxalq Avtovağzal Kompleksinin rəhbərliyinə köməklik göstəriləcəyini bildiriblər. Hazırda bu istiqamətdə işlərə başlanılıb və yaxın zamanda işçilərin əmək haqlarının ödənilməsi həyata keçiriləcək". (Qafqazinfo)

Digər xəbərlər

Banner