Nəqliyyat, Rabitə və Yüksək Texnologiyalar Nazirliyinə məxsus "Bakı Taksi Xidməti" MMC Böyük Britaniyanın “London EV”(LEVC) şirkətindən 100 ədəd "TX", 0 emissiyalı elektrik taksisi alıb.
Eləcə də bax: Bakının mərkəzində liftlə işləyən - PARKİNQLƏR TİKİLƏCƏK – QİYMƏT
FED.az “Report”a istinadən xəbər verir ki, bu barədə Britaniya şirkətinin açıqlamasında bildirilir.
Məlumatda qeyd olunur ki, Azərbaycan şirkəti LEVC-in uzunmüddətli tərəfdaşıdır və indiyə qədər ona paytaxt Bakının hər yerində istifadə olunan bənövşəyi “TX4” emissiyalı taksilər satılıb. "Bakı Taksi Xidməti"nin aldığı yeni taksilər isə qırmızı rənglidir, əsasən Bakıda keçirilən tədbirlər üçün şəhərə gələn qonaqların hava limanından otellərə və əks istiqamətdə daşınması üçün istifadə ediləcək.
