Bu ilin ilk ayında Azərbaycan xaricdən 6 milyon 588 min dollar dəyərində 139 ədəd elektromobil idxal olunub.

• Xaricdən idxal edilən yük maşınlarının orta idxal dəyəri 9,2 min manat aşağı düşdü - YENİ QİYMƏTLƏR

​​​​​​​FED.az bu barədə Dövlət Gömrük Komitəsinə istinadən xəbər verir.

Məlumata görə 2024-cü inin yanvar ayı ilə müqayisədə ölkəyə idxal olunan elektromobillərin sayı  100 ədəd və ya 41,8%, dəyəri isə  3 milyon 75 min dollar və ya 31,8% azalıb.

Əvvəlki ildə Azərbaycana 9 milyon 663 min dollar dəyərində 239 ədəd elektromobil idxal edilib.

Qeyd edək ki, 1 ədəd elektromobilin orta idxal qiyməti bu ilin ik ayına görə 47 min 397 dollar (80 min 574 manat) olub ki, bu da illik müqayisədə 6 min 964 dollar (11 min 839 manat) və ya 17,2% artım deməkdir.

Qeyd dək ki, bu göstərici ötən ilin müvafiq dövründə 40 min 433 dollar (68 min 736 manat) idi.

Hesabat dövründə 8 ölkə içində elektromobilləri Azərbaycana ən baha satan ölkə   Böyük Britaniya və Şimali İrlandiyanın Birləşmiş Krallığı olub. Azərbaycan bu ölkədən cəmi 1 eletromobil alıb və bunun qiyməti təxminən 672,4 min manata bərabər olub.

Avstriyadan idxal edilən 1 ədəd elektromobilin qiyməti isə təqribən 254,5 min manat təşkil edib.

Almaniyadan ümumilikdə yanvar ayında 25 ədəd eletromobil gətirilib ki, bunun da təxminən 1 ədədinin orta idxal qiyməti 216,8 min manatdan bir qədər yüksək olub.

Türkiyənin satdığı cəmi 1 ədəd elektromobilin qiyməti isə 3,5 min manata yaxın olub.