Nəqliyyat

Azərbaycan aeroportlarında - SƏRNİŞİN SAYI AÇIQLANIB

Azərbaycan aeroportlarında - SƏRNİŞİN SAYI AÇIQLANIB | FED.az
12:24 12 Noy 2019

Bu ilin yanvar-oktyabr ayları ərzində Azərbaycanın beynəlxalq hava limanlarında sərnişin axını 4,7 mln. sərnişin təşkil edib ki, bu da son illərin rekord göstəricisidir.

FED.az xəbər verir ki, Heydər Əliyev Beynəlxalq Aeroportdan  verilən məlumata görə, bunun 4 mln-dan çoxu Heydər Əliyev Beynəlxalq Aeroportunun payına düşüb ki, bu da ötən ilin göstəricisindən 200 min sərnişin çoxdur.

Eləcə də bax: Azərbaycan üzrə ən çox sərnişin daşıyan aviaşirkətlər - TOP 10-LUQ

Naxçıvan hava limanı 541 min sərnişinə xidmət göstərmişdir, Gəncənin hava limanı isə – 127 min sərnişin ilə üçüncü olub.

Sözügedən müddət ərzində milli aviadaşıyıcı – “Azərbaycan Hava Yolları” QSC (AZAL) 1,72 mln. sərnişin, Azərbaycanın loukost aviaşirkəti "Buta Airways" isə 499 min sərnişin daşıyıb.

Paytaxtın hava limanında beynəlxalq uçuşlarda sərnişinlərin sayı 3,52 mln. nəfər təşkil edib. Sərnişin aviadaşımaları üzrə aviaşirkətlərin onluğuna milli aviaşirkətlər ilə yanaşı “Türk Hava Yolları” (Türkiyə, 418 min sərnişin), “FlyDubai” (BƏƏ, 207 min), “Aeroflot” (Rusiya, 167 min), “AirArabia” (BƏƏ, 141 min), UIA (Ukrayna, 107 min), “Qatar Airways” (Qətər, 90 min), “Lufthansa” (Almaniya, 59 min) və SCAT (Qazaxıstan, 52 min) daxil olub.

Bu ilin oktyabr ayı ərzində Heydər Əliyev Beynəlxalq Aeroportundan 32 sərnişin aviaşirkəti 60-dan çox müxtəlif istiqamətə uçuşlar həyata keçirib.

Qeyd edək ki, Gəncə və Naxçıvan hava limanlarından Moskvaya və İstanbula birbaşa uçuşlar həyata keçirilir. Həmçinin milli aviadaşıyıcı AZAL qış cədvəli çərçivəsində Lənkərandan Moskvaya və geri istiqamətə müntəzəm birbaşa aviareyslər həyata keçirir.

Heydər Əliyev Beynəlxalq Aeroportu (IATA: GYD) sərnişin və yük daşımalarının, uçuş-enmə əməliyyatlarının həcminə, aerovağzal kompleksinin sahəsinə və yük terminalının buraxılış gücünə görə Azərbaycanın və regionun ən böyük aeroportudur.

Apa

Digər xəbərlər