Nəqliyyat

AZAL-ın Müşahidə Şurasının növbəti iclası keçirilib - FOTO

AZAL-ın Müşahidə Şurasının növbəti iclası keçirilib - FOTO | FED.az
11:43 12 İyun 2021

“Azərbaycan Hava Yolları” QSC-nin (AZAL) Müşahidə Şurasının növbəti iclası keçirilib. İclasa Müşahidə Şurasının üzvləri, “Azərbaycan Hava Yolları” QSC-nin İdarə Heyətinin üzvləri və digər rəsmilər qatılıblar.

Eləcə də bax: AZAL-ın qiymətlərindən xarici iş adamları da narazıdır - AÇIQLAMA

Nəqliyyat, Rabitə və Yüksək Texnologiyalar Nazirliyindən FED.az-a verilən məlumata görə, onlayn iclas Müşahidə Şurasının sədri, nəqliyyat, rabitə və yüksək texnologiyalar naziri Rəşad Nəbiyevin sədrliyi ilə baş tutub.

İclasda “Azərbaycan Hava Yolları” QSC-nin idarə edilməsinin müasir korporativ idarəetmə standartları nəzərə alınmaqla təkmilləşdirilməsi üçün yaradılan komitələrin əsasnamələri və tərkibləri, eləcə də korporativ katib haqqında əsasnamə müzakirə olunaraq təsdiqlənib.

Eyni zamanda, “Azərbaycan Hava Yolları” QSC-nin fəaliyyəti üzrə cari məsələlər haqqında çıxışlar edilib.

Qeyd edək ki, “Azərbaycan Hava Yolları” Qapalı Səhmdar Cəmiyyətinin Müşahidə Şurası Azərbaycan Respublikası Prezidentinin 2021-ci il 30 mart tarixli Sərəncamına əsasən yaradılıb.

AZAL-ın Müşahidə Şurasının növbəti iclası keçirilib (FOTO) - Gallery Image

Banner
Banner

Digər xəbərlər