Azərbaycan Hava Yolları şirkəti (AZAL) İstanbul, Berlin və Londona AZAL-ın xüsusi reysləri ilə səyahət etməyi planlaşdıran sərnişinlərin əl baqajlarında güzəşt edib.
FED.az xəbər verir ki, avqustun 25-dən etibariən bu istiqamətə uçan sərnişinlər çəkisi 10 kq-dan artıq olmayan daha bir ədəd baqajı ödənişsiz götürə və hava limanında qeydiyyat masasına təhvil verə bilərlər.
Eləcə də bax: AZAL biletlərin qaytarılması və dəyişdirilməsi ilə bağlı - MƏLUMAT YAYDI
Beləliklə, ekonom sinifdə səyahət edən sərnişinlər cəmi iki ədəd baqaj - 23 kq + 10 kq, biznes sinifdə səyahət edən sərnişinlər - üç ədəd baqaj: ikisi 32 kq + 10 kq, VIP klubun üzvləri isə dörd ədəd baqaj: üçü 32 kq + 10 kq götürə bilərlər.
Bu qayda təyyarə salonunda sıxlığı minimuma endirmək və sərnişinlərin təyyarəyə maneəsiz daxil olmasını təmin etmək üçün əl yükünə aid olan əşyaların baqaja təhvil verilməsini nəzərdə tutur. Qeyd edək ki, əl yükü qismində yalnız kişi portfeli, qadın əl çantası, noutbuk çantası və uşaq qidasının götürülməsinə icazə verilir.
