2022-ci ilin yanvar-sentyabr aylarında Azərbaycan hava nəqliyyatı ilə yük və sərnişin daşımalarından 3 milyard 620 milyon 675,4 min manat (cari məzənnə ilə $2,1 milyard) gəlir əldə edib ki, bu da 2021-ci ilin 9 ayının göstəricisindən 45,7% çoxdur.
"Bakı Metropoliteni"nin sərnişindaşımalardan gəliri - 4 DƏFƏYƏDƏK ARTIB
FED.az xəbər verir ki, bu barədə hökumətdən məlumat verilib.
Hesabat dövründə hava nəqliyyatı ilə yükdaşımalardan 2 milyard 767 milyon 82,5 min manat ($1,6 milyard) məbləğində gəlir (artım 31,5%) əldə edilib. Bu gəlirlərin əsas həcmi – 2 milyard 766 milyon 492,5 min manatı (artım 31,5%) beynəlxalq yükdaşımaların, 590 min manatı isə daxili yükdaşımaların (artım 60%) payına düşüb.
Hava nəqliyyatı ilə sərnişin daşımalarından 853 milyon 592,9 min manat ($502 milyon) məbləğində gəlir (artım 2,2 dəfə) əldə edilib. Gəlirlərin əsas həcmi - 802 milyon 308,4 min manatı (artım 2,2 dəfə) beynəlxalq sərnişindaşımaların, 51 milyon 284,5 min manatı (artım 2,2 dəfə) daxili sərnişindaşımaların payına düşüb.
2022-ci ilin yanvar-sentyabr aylarında hava nəqliyyatı ilə yükdaşımaların həcmi 326,5 min ton (azalma 8,2%), sərnişin daşımalarının həcmi 1 milyon 656,6 min nəfər (artım 2,1 dəfə) təşkil edib.
2021-ci ildə Azərbaycan hava nəqliyyatı ilə yük və sərnişin daşımalarından 3 milyard 240 milyon 291,2 min manat (artım 20,4%), sərnişin daşımalarından 635 milyon 109,8 min manat gəlir (artım 85%) əldə edib. (İnrefaks-Azərbaycan)
