HƏMAS-ın İsrailə hücumlarından sonra qarşıdurmalar davam edərkən, İsrail Mərkəzi Bankı 30 milyard dollara qədər valyuta satışı proqramı elan edib.
İsrailə hücum qızılın qiymətini qaldıra bilər - XƏBƏRDARLIQ
FED.az xəbər verir ki, bank milli valyuta şekeldə volatilliyi yumşaltmaq və bazarların fasiləsiz işləməsini təmin etmək üçün lazımi likvidliyi təmin etmək məqsədilə qarşıdakı dövrdə bazarda fəaliyyət göstərəcək.
Qeyd edək ki, müharibənin başlamasından sonra İsrail şekeli 2 faizə qədər ucuzlaşıb.
HƏMAS şənbə günü Qəzza zolağından İsrailin cənubuna sızıb və eyni vaxtda bir neçə hücum həyata keçirib. Hücumlar nəticəsində əksəriyyəti mülki vətəndaşlardan ibarət 700-dən çox israilli həyatını itirib.
Qəzzanın şimal sərhədindən çox da uzaq olmayan ərazidə keçirilən musiqi festivalına qatılan 260-a yaxın insan da Həmas tərəfindən öldürülüb. İsrailin cavab hücumları nəticəsində 400-ə yaxın fələstinli həyatını itirib. İsrail HƏMAS-ın sızdığı ərazilərin əksəriyyətinə nəzarəti bərpa edərkən, Həmas çoxlu israillini girov götürüb.
Gözlənilməz hücumlardan sonra İsrail rəsmən müharibə elan edib və HƏMAS-ın hərbi infrastrukturunu məhv etmədən əməliyyatları dayandırmayacağını açıqla. Bu açıqlayıb. Bu açıqlamadan sonra Qəzzada aylarla davam edə biləcək quru əməliyyatı gözlənilir.
Wall Street Journal HƏMAS və İranın dəstəklədiyi Hizbullahın yüksək səviyyəli üzvlərinə istinadən xəbər verir ki, İran təhlükəsizlik rəsmiləri HƏMAS-a hücumu planlaşdırmağa kömək edib və ötən bazar ertəsi Beyrutda keçirilən toplantıda hücuma yaşıl işıq yandırıblar.
ABŞ prezidenti Co Bayden İsrailin baş naziri Benyamin Netanyahu ilə iki gün ərzində iki dəfə telefonla danışıb və hərbi yardıma dəstəyini çatdırıb. ABŞ altı gəmisini Şərqi Aralıq dənizinə köçürüb. (Marja)
