Fransanın iri maliyyə xidmətləri şirkəti "Societe Generale", Dollar/Türk Lirəsi məzənnəsində qısa mövqe açmağı tövsiyə edir. Qısası, Bank məzənnənin düşəcəyini gözləyir.
«Morgan Stanley»: Ərdoğanın qələbəsindən sonra türk lirəsi 29% dəyər itirə bilər
FED.az xəbər verir ki, qurum, Türkiyə Cümhuriyyəti Mərkəzi Bankının (TCMB) 22 İyun tarixli iclasında faizini 6,50 faiz bəndi artırılaraq 15%-ə çatdıracağını və faiz artımlarının iyul və avqust aylarında da davam edəcəyini (daha 5,00 faiz bəndi də artırılacağını) gözləyir.
Qurumun hesabatda yay mövsümündə turist gəlirlərinin artmasının xarici tarazlığı yaxşılaşdıracağı və TCMB-nin imkanlarını artıracağı proqnozlaşdırılıb. Banka görə, bəzi ortodoksal (ənənəvi) siyasətlərin geri qaytarılması "lirənin carry cazibəsini artıracaq".
Hesabatda, Dollar/TL üçün 20,88 səviyyəsində qısa mövqe açmaq və 23 səviyyəsində "stop-loss" müəyyən etməkmtövsiyə edilib.
Qurum qarşıdakı aylarda dollar/Türk Lirəsi məzənnəsinin "yalnız tədricən" düşəcəyini və üçüncü rübün sonunda 21.50 civarına qədər azalacağını proqnozlaşdırır.
"Societe Generale" əsas risklər olaraq - ortodoksal olmayan siyasətlərin davam etdirilməsini və yeni iqtisadi administrasiyasının ixracı dəstəkləmək üçün valyutanı zəiflətməsi ehtimalını göstərib.
Qeyd edək ki, bu gün Dollar/Türk lirəsi məzənnəsi 21,22 lirə səviyyəsinə yüksəlib. (Marja)
