Rusiyada ABŞ dollarının məzənnəsi 2022-ci ilin aprelindən bəri ilk dəfə olaraq 78 rubla yüksəlib.
Rublun ucuzlaşacağı gözlənilir - MƏZƏNNƏYƏ TƏZYİQ GÖSTƏRƏN ƏSAS AMİLLƏR
FED.az xəbər verir ki, bu gün martın 31-də Moskva birjasında keçirilən hərraclarda dolların məzənnəsi sürətlə artmağa başlayaraq 78 rubla yaxınlaşıb. Sonradan dolların məzənnəsi bir qədər azalaraq 77,81 rubla enib.
Avro isə 85 rubl səviyyəsinə yaxınlaşıb.
Bu gün birjada Rusiyanın əsas fond indeksləri də aşağı düşüb. Moskva birjasının indeksi 1,2 faiz itirərək 2436 olub, RTS indeksi isə 1,8%0lik azalma ilə 988 təşkil edib.
Qeyd edək ki, hazırda Rusiyada vergi ödənişləri dövrünün sona çatması ilə bağlı olaraq rubla təzyiq artır. Bundan başqa, ixracın azalması və idxal da rubla təsir edir.
Mərkəzi Bankın tətbiq etdiyi məhudiyyətlər səbəbindən rublun məzənnəsinə təsir edən əsas məqam idxal və ixrac göstəriciləridir.
Paralel olaraq Rusiyada dollara tələbat artır. Son məlumatlara görə, hazırda Rusiya vətəndaşlarının əlində 100 milyard dollar həcmində nağd dollar var. Bu 2018-ci ildən bəri ən yüksək göstəricidir.
