"May ayında Rusiya valyutası ABŞ dollarına nisbətdə 60 rubla qədər möhkəmlənə biləcək" (Dollar 60 rubla düşəcək -red).
FED.az xəbər verir ki, bunu "SberCIB Investment Research"in valyuta bazarları və faiz dərəcələri üzrə strateqi Yuri Popov bildirib.
Eləcə də bax: Rusiyada dollar və avro daha da - UCUZLAŞIB
Bununla belə, o hesab edir ki, 2022-ci ilin sonuna qədər dollara 75 rubla qədər bahalaşa bilər.
Popov istisna etmir ki, dollar müvəqqəti olaraq hətta 60 rubl səviyyəsindən aşağı da zəifləyə bilər ki, bu da Rusiya Federasiyasının idxalını artırmaq və ixracını balanslaşdırmaq üçün lazımdır.
Ekspertin təxmini hesablamalarına görə, hazırda ayda 20 milyard dolları çətin keçən malların idxalı 50% artaraq ayda 30 milyard dollara çatmalı və malların ixracının 75%-ni balanslaşdırmalıdır. Hazırda ayda təxminən 40 milyard dollar təşkil edən xarici borcun ödənilməsi ilə əlaqədar olaraq, rubl orta hesabla bir dollar üçün 60-a qədər möhkəmlənməlidir.
Bundan əlavə, ixracatçılar vergiləri ödəmək üçün valyutanı aktiv şəkildə satmağa davam edəcəklər. "Rubl 2022-ci ilin ikinci rübünün sonuna kimi bir dollar üçün 60 civarında sabitləşə biləcək. Eyni zamanda, Rusiya valyutasının zəifləməsi daha sonra gözlənilir, çünki mümkün sanksiya məhdudiyyətlərilə idxal artacaq, ixrac isə azalacaq”, - Popov bildirib.
Onun hesablamalarına görə, 2022-ci ilin ikinci rübünün sonundan etibarən ilin sonuna qədər dollar tədricən 75 rubla qədər dəyər qazanacaq.
Qeyd edək ki, Rusiya Federasiyası Mərkəzi Bankının şənbə günündən etibarən rəsmi məzənnələri aşağıdakı qiymətlərdədir:
- dollar 67,38 rubl (+1,15)
- avro 71,1 rubl (+1,03)
(Marja)
Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.
