"Dollar dünya ehtiyat (rezerv) valyutası kimi mövqeyini itirir, yuan və rubl kimi əmtəə və xammal axını ilə dəstəklənən valyutalar perspektivli olur".
Rubl və lirə dəyərsizləşdi, manatı nə gözləyir? – AÇIQLAMA
FED.az xəbər verir ki, bunu Sankt-Peterburq Beynəlxalq İqtisadi Forumunda (PEIF) "Rosneft"in rəhbəri İqor Seçin bildirib.
"Dolları nə əvəz edə bilər və nə qədər tez? Yeni ehtiyat valyuta statusunu almaq üçün ölkə kifayət qədər böyük və sabit iqtisadiyyata malik olmalıdır, sərbəst və maneəsiz kapital əməliyyatları təmin edilməlidir", - deyə o bildirib.
"Əmtəə və xammal axını ilə dəstəklənən valyutalar perspektivli olur ki, bu da onlara çəki və likvidlik verir. Bu, ilk növbədə yuan, ən çox resursla təmin olunan valyutalardan biri kimi rubldur", - o əlavə edib.
Bununla belə, Seçin qeyd edib ki, rublla bağlı vəziyyətdə ən azı iki problem var: "Bunlar mövcud hegemonun geosiyasi təzyiqi və rublun məzənnəsinin hədəflənməsinin olmaması ilə bağlı risklərdir. Bu da ona transsərhəd kreditləşməni təmin etməyə imkan vermir, rublun regional hesablaşma sisteminə çevrilməsinə mane olur".
“Rosneft”in rəhbəri bildirib ki, dollar həm ehtiyat (rezerv) valyutası, həm də beynəlxalq hesablaşmalar vasitəsi kimi problemə çevrilir:
"Eyni zamanda, onun əsasında yaradılmış nəhəng maliyyə alətləri sistemi və qiymətlərə təsir mexanizmləri, məzənnə siyasəti və s. sayəsində dollar uzun müddət əsas hesablaşma aləti və əsas ehtiyat valyutası olaraq qalacaq. Bəli, dollar öz mövqelərini itirir, lakin o, yavaş-yavaş "öləcək". Biz təcili olaraq ondan xilas olmalıyıq”, - Seçin vurğulayıb.
Sankt-Peterburq Beynəlxalq İqtisadi Forumu (PEIF) iyunun 14-dən 17-dək keçiriləcək. (Marja)
