“Fitch Ratings” beynəlxalq reytinq agentliyi Azərbaycanın xarici valyutada uzunmüddətli emitent defoltu reytinqini (IDR) "BB+" səviyyəsində, müsbət proqnozla təsdiqləyib.
Fitch Solutions: "Manatın məzənnəsi 2027-ci ilədək sabit qalacaq"
FED.az bu barədə reytinq agentliyinə istinadən xəbər verir.
Qeyd olunub ki, reytinq Azərbaycanın çox güclü xarici balansı, aşağı dövlət borcu və suveren fondun böyük aktivləri hesabına yüksək maliyyə çevikliyi ilə dəstəklənir.
“Cari hesabın profisiti 2023-cü ildə ÜDM-in 14,8%-nə qədər iki dəfə azalıb, lakin “BB” kateqoriyasında ən yüksək olaraq qalır. Neft qiymətlərinin aşağı düşməsinə baxmayaraq (neft və qaz gəlirləri ümumi ixracın 90%-ni təşkil edir) 2024-2025-ci illərdə profisitlərin güclü qalacağını gözləyirik. Suveren valyuta aktivləri 2023-cü ildə 69,8 milyard ABŞ dollarına yüksəlib ki, onun da 80%-i Azərbaycan Respublikasının Dövlət Neft Fonduna (ARDNF) məxsusdur ki, bu da hələ də yüksək enerji gəlirlərini və ARDNF-nin investisiya portfelində rekord yüksək gəlirləri əks etdirir. 2023-cü ildə ÜDM-in 67%-i səviyyəsində təxmin edilən Azərbaycanın xalis suveren aktiv mövqeyi 2024-2025-ci illərdə sabit qalacaq ki, bu da eyni qrup ölkələr arasında ən yüksək göstəricidir”-Fitch əlavə edib. (Apa)
