“2021-ci ildə 44 audit aparılsa da, 50%-i hesabatda göstərilməyib”.
Eləcə də bax: Hesablama Palatası yoxlama apardığı qurumların sayını - AÇIQLAYIB
FED.az xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında “Hesablama Palatasının 2021-ci ildə fəaliyyəti haqqında” Hesabatın müzakirəsi zamanı deputat Vahid Əhmədov deyib.
“Amma biz bunlarda hansısa inkişaf görmürük. Dövlət vəsaitinin xərclənməsində pozuntular daha pis səviyyədə davam edir. Burada Hesablama Palatası öz mövqeyini ortaya qoymalıdır. May ayında dövlət büdcəsinin icrasına baxacağıq. Büdcənin icrası ilə bağlı məsələlərə ildə 3, 4, bəlkə də 5 dəfə baxılmalıdır. Bunun üçün Hesablama Palatası bizə müraciət edə bilərdi. Bununla bağlı “Hesablama Palatası haqqında” qanuna dəyişiklik edə bilərik. May ayında Milli Məclis artıq büdcənin icrasına baxanda pozuntularla bağlı heç nə edə bilməyəcək. Çünki bu vəsaitlər artıq xərclənib. Buna qədər Hesablama Palatası bu icraya nəzarət edə bilər”. (APA)
