Problemli kreditlərlə bağlı Apellyasiya Komitəsi yaradılacaq. Komitədə müvafiq dövlət strukturlarının, bankların, eləcə də cəmiyyət nümayəndələrinin iştirakı planlaşdırılıb.
FED.az xəbər verir ki, məlumatı Maliyyə Bazarlarına Nəzarət Palatası da təsdiqləyib.
Eləcə də bax: «Zəng edirlər ki, zaminliyimi ləğv edin, istəmirəm» - BANKİRLƏ MÜSAHİBƏ
Palatadan aldığımız məlumata görə, məqsəd prosesin həyata keçirilməsi zamanı yarana biləcək hər hansı narazılıqların obyektiv şəkildə həllinə nail olmaqdır.
Qeyd edək ki, fərman 800 000 nəfəri əhatə edir və iş prosesində də ola bilsin ki, cüzi problemlər yaransın. Bu halda hər bir şəxsin apellyasiya hüququ olacaq. Əgər nəzərə alsaq ki, bu gün problemli kreditlərlə bağlı kredit tarixçəsi olan minlərlə insan banklardan çıxarış alıblar.
Eləcə də bax:Azərbaycanda bankların etibar etdiyi və etmədiyi müştərilər - SİYAHI
Kompensasiya ya restrukturizasiya ilə bağlı qeyd edilən məbləğlə özünün əldə etdiyi hesabdan çıxarışla uzlaşma vaxtı hansısa suallar yarana bilər. O suallarla əlaqədar araşdırmanı məhz xüsusi Apellyasiya Komitəsi aparacaq.
Müraciət əsasında vətəndaşın suallarına cavab veriləcək, qeyd olunan məbləğin düzgün hesablanıb-hesablanmadığı, arada nəsə fərqlər varsa, ona da aydınlıq gətiriləcək.
Eləcə də bax: Banklar «hücuma» keçir – «İcra haqqında» QANUNA TƏKLİFLƏR AÇIQLANDI
