Səhmlərində dövlətin payı olan müəssisələrdən alınan dividendlərdən daxilolmalar üzrə aparılmış araşdırma və təhlillər mövcud potensialın daha artıq olduğu qənaətinə gəlməyə əsas verir.
Eləcə də bax: Dövlət ümidlərini yenə də - ABB Banka Bağlamalı Olacaq
FED.az xəbər veri ki. Bu, Azərbaycan Respublikasının 2022-ci il dövlət büdcəsi layihəsinə Azərbaycan Respublikası Hesablama Palatasının Rəyində bildirilir.
Qeyd edilib ki. səhmlərində dövlətin payı olan müəssisələrdən alınan dividendlər üzrə daxilolmalar 2022-ci ilin dövlət büdcəsi layihəsində 106,5 milyon manat nəzərdə tutulmuşdur ki, bu da 2021-ci ilin müvafiq göstəricisindən 61,6 milyon manat azdır. Azalmanın əsas səbəbləri "Azərbaycan Beynəlxalq Bankı" ASC üzrə (20 milyon manat) və iri dövlət müəssisələri üzrə (41 milyon manat) proqnozun azaldılması, "Aqrarkredit" QSC BOKT, "Azərlotereya" ASC və "İstehlak Mallarının Ekspertizası Mərkəzi" MMC üzrə dividenddən dövlət büdcəsinə daxilolmanın proqnozlaşdırılmaması ilə bağlı olmuşdur.
“Qeyd etmək lazımdır ki, 2021-ci ildə iri dövlət şirkətlərindən alınacaq dividendlər 5 şirkət (ARDNŞ, “Azərbaycan Dəmir Yolları” QSC, “Azərişıq” ASC, “Azərbaycan Xəzər Dəniz Gəmiçiliyi” QSC, “Azərenerji” ASC) üzrə nəzərdə tutulduğu halda, cari ilin 8 ayında bu mənbədən dövlət büdcəsinə vəsait daxil olmamış, 2022-ci ilin büdcə layihəsində yalnız "Azərbaycan Dövlət Xəzər Dəniz Gəmiçiliyi" QSC üzrə 5 milyon min manat nəzərdə tutulmuşdur.
Təqdim olunmuş məlumatlara əsasən, bu mənbə üzrə 2021-ci ilin ötən dövrü ərzində 122 milyon 44 min manat məbləğində vəsait daxil olmuşdur ki, bunun da 120 milyon 844 min manatı "Azərbaycan Beynəlxalq Bankı" ASC, 200 min manatı "Aqrarkredit" QSC BOKT, 1000 manatı isə "Azərlotereya" ASC tərəfindən dövlət büdcəsinə ödənilmiş, "Azər Türk Bank" ASC, "İstehlak Mallarının Ekspertizası Mərkəzi" MMC və iri dövlət şirkətləri tərəfindən dividend ödənişi həyata keçirilməmişdir.
Ümumiyyətlə bu istiqamət üzrə məlumatların təhlili bir çox dövlət müəssisəsi tərəfindən dövlət büdcəsinə dividend ödənişində maraqlı olmamasını göstərir. Belə ki, həmin müəssisələrdən bəzilərinin əvvəlki illərdə maliyyə hesabatlarına baxdıqda xalis mənfəət əldə olunmasına baxmayaraq həmin dövr üzrə dövlət büdcəsinin gəlirlərin bu mənbəsi üzrə daxilolmanın formalaşdırılmasında heç bir paya sahib olmamışlar”,- rəydə bildirilir.
(Marja)
