Ödəniş terminallarında komissiya haqqı tutulsa da, bu, qəbzdə göstərilmir...
Terminallarla kredit ödənişlərində komissiya çıxılır? - AÇIQLAMA
FED.az xəbər verir ki, sosial şəbəkələrdə yayılan məlumata görə, ölkədə fəaliyyət göstərən "MilliÖn" və "E-manat" terminallarında ödəniş edən zaman 1% komissiya tutulur. Xüsusilə kredit ödənişlərində bu haqqın tutulduğu bildirilir.
Vətəndaşları narahat edən əsas məqam isə tutulan komissiya məbləğinin qəbzlərdə əks olunmamasıdır.
FED.az xəbər verir ki, "E-manat" bildirdi ki, bu komisiya onlara aid deyil. "E-manat" terminallarında ödəniş zamanı tətbiq edilən komissiya həmin xidməti gösətərn provayder tərəfindən tətbiq edilir. Hər hansı bir komissiya tutulursa, müştəri "İnfo" bölməsində komissiyanın bank, yaxud da E-manat tərəfindən tutulduğunu aydın şəkildə görə bilər. Qeyd edilən bütün xidmətlər üzrə terminal interfeysində komissiyanın bank tərəfindən olduğu qeyd olunub. O da əlavə edilib ki, bütün xidmətlər üzrə fərqli komissiya faizi tətbiq olunur.
"MilliÖn" şirkətindən isə bəzi ödənişlərdə komissiya haqqının tutulduğu təsdiqlənərək bildirildi ki, ödəniş olunan zaman monitorda komissiya çıxılacağı ilə bağlı məlumat əks olunur. Bu komissiya isə bankın istəyi əsasında tətbiq edilir. Komissiyanın qəbzdə əks olunmaması isə müvəqqətidir və tezliklə həyata keçiriləcək. "Proses yeni tətbiq olunduğu üçün bu biraz vaxt alır", deyə - açıqlamada qeyd olunub.
