Azərbayan Dövlət Neft Fondu 2013-cü ildən bəri, yəni son 10 ildə ilk dəfə olaraq illik investisiya portfelində zərər edib.
Ötən il Neft Fonduna 20 milyard manat daxil olub – FOND RƏQƏMLƏRİ AÇIQLADI
FED.az xəbər verir Ki, bu barədə Fondun açıqladığı hesabatda bildirilir.
Hesabata görə, 2022-ci ildə Fondun investiçsiya portfeli 49 032 milyon dollar təşkil edib. Fond portfelin idarə edilməsində 5,16% zərər edib.
Fondun portfelində səhmlər üzrə illik zərər 3,34%, istiqrazlar üzrə zərər 2,37% təşkil edib. Fond yalnız daşınmaz əmlak üzrə investisiyalarda 0,55% gəlir əldə edib.
ARDNF-nin bununla bağlı ayrıca açıqlamasında bildirilir ki, 2022 il ərzində ARDNF-nin aktivlərinin bazar dəyəri 2 milyard 461 milyon dollar azalıb. Fond bunun səbəbini qısamüddətli qiymət dəyişkənlikləri ilə izah edir.
O cümlədən valyuta məzənnələrinin dəyişməsindən fond ötən il 878 milyon dollar itirib. «Valyuta məzənnələrinin dəyişməsindən yaranan fərq ilə bağlı ARDNF-nin büdcədənkənar xərcləri 878,5 milyon dollar təşkil edib»-deyə bildirilir.
Qeyd edək ki, ilin sonunda 4-cü rübdə dünya birjalarında müsbət dəyişikliklər baş verib və nəticədə fondun portfelində də müsbət gəlirlilik müşahidə edilib, amma bu ümumi illik zərəri bağlamağa kifayət etməyəb. Fonddan bildirilir ki, «4-cü rüb ərzində iqtisadi proqnozlarda nikbinliyinin daha da azalması və bunun fonunda tənəzzül gözləntilərinin artması, eləcə də, ABŞ-da inflyasiya göstəricisinin nisbətən aşağı düşməsi mərkəzi bankların növbəti dövrlərdə daha yumşaq monetar siyasətə keçidinə dair ehtimalı artmışdır ki, bu da investorlar tərəfində müsbət siqnal kimi qarşılanmışdır. Belə ki, sonuncu rüb ərzində səhm və istiqraz alətləri bazarlarında ilin digər rüblərinə nisbətən müsbət gəlirlilik müşahidə olunmuşdur».
«Eyni zamanda 4-cü rüb ərzində ABŞ-da uçot faiz dərəcələrinin artım tempininin digər rüblərlə müqayisədə nisbətən aşağı olması və növbəti dövrlərdə tempin daha da azalması gözləntiləri, eyni zamanda Avropa Mərkəzi Bankının uçot faiz dərəcələrinin artımının daha uzun müddətdə davam edilməsinə dair planları ötən il ərzində daha çox dəyər qazanan ABŞ dollarının zəifləməsi, avronun və digər əksər valyutaların isə güclənməsi ilə nəticələnmişdir»-deyə açıqlamada bildirilib.
