Rəqəmsallaşma vergi inzibatçılığının effektivliyini artırır. FED.az xəbər verir ki, bunu "Vergilər. Şəffaflıq. İnkişaf" forumunda çıxış edən vergilər naziri Mikayıl Cabbarov bildirib: - "Bu bizə yeni vergiləri tətbiq etmədən və ya onları artırmadan böyük sayda vergi ödəyicilərindən vergi toplamağa imkan verir. İnnovativ texnologiyalar insan, biznes və dövlət arasında olan ənənəvi əlaqə üsullarını dağıdaraq yeni biznes modellər yaradır.
Eləcə də bax: «Sahibkarlar «təmiz» işləmək istəyirlər, amma çəkinirlər» - MİKAYIL CABBAROV
Məqsədimiz vergi ödəyicilərinə öz fəaliyyətində cəmlənməyə və vergi öhdəliklərini yerinə yetirməkdə daha məsuliyyətli olmağa kömək etməkdir. Vergi administrasiyası sahibkara yönümlü yanaşma nümayiş etdirməyə hazırdır. Bu kompleks bir fəaliyyətdir, vergi ödəyiciləri üçün komfortlu bir mühitin yaradılmasıdır. Bu siyasətin hədəfində hər şeydən öncə vergi ödəyicisi və vətəndaş məmnunluğu durur. Sahibkar vergi orqanı ilə təmas perspektivindən qorxmamalıdır".
