Azərbaycan Mərkəzi Bankı “Nemes Trade” MMC barəsində məhkəməyə müraciət edib.
FED.az Banker.az-a istinadən xəbər verir ki, Mərkəzi Bank “Nemes Trade” MMC barəsində İnzibati Xətalar Məcəlləsinin 430.4-cü maddəsi ilə cərimə protokolu tərtib edib, Sumqayıt Şəhər Məhkəməsinə göndərib.
Eləcə də bax: Azərbaycanda iri aqro kompleks məcburi auditdən yayındığına görə - CƏRİMƏLƏNƏ BİLƏR
Bu maddə İXM-də valyuta tənzimi qaydaları pozulmasına görədir.
Belə ki, avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə, hüquqi şəxslər inzibati xətanın obyekti olmuş valyuta vəsaiti məbləğinin 20 faizindən 30 faizinədək məbləğdə cərimə edilir.
Şirkət nə zaman cərimələnir?
Sahibkar müqavilə bağlayaraq, xarici şirkətə ödəniş edib, sövdələşdiyi vaxt yox, 2 il müddət çərçivəsində malı həmin şirkətdən ya almalı, ya da ödədiyi maliyyə vəsaitini geri qaytarmalıdır. Bunlara əməl etmək mümkün olmadıqda isə sahibkarlara Azərbaycan Respublikası Mərkəzi Bankı tərəfindən, müqavilə məbləğinin 20-30 faizi civarında cərimə protokolu tərtib olunur.
Onu da qeyd edək ki, Nemes Trade MMC artıq 25 ildir ki, Azərbaycanda “Morena”, “Dadlım” brendləri adı altında dəniz məhsullarının idxal, istehsal və satışı ilə məşğuldur.
