Banner

Maliyyə

“Kredit Bürosu”na müraciətlər 40% artıb

“Kredit Bürosu”na müraciətlər 40% artıb | FED.az
10:22 24 Aprel 2019

2019-cu ilin I rübünün yekunlarına əsasən Azərbaycan Kredit Bürosu (Büro) ilə müqavilə imzalamış təşkilatların sayı 123-yə çatıb. FED.az xəbər verir ki, hesabat dövrü ərzində üç yeni təşkilat, o cümlədən 1 BOKT, 1 kredit ittifaqı və 1 lizinq şirkəti ilə müqavilə imzalanmış və Büro sisteminə inteqrasiya edilib.

2019-cu ilin ilk rübü ərzində Büronun sistemindən 30 bank və 39 BOKT istifadə edib. Qeyd olunan müddətdə Büroda banklar və BOKT-lar tərəfindən 567,525 sorğu həyata keçirilib. Bu göstərici ötən ilin eyni dövrü ilə müqayisədə kredit təşkilatları tərəfindən həyata keçirilmiş sorğuların sayından 40 faiz çoxdur. Qeyd edək ki, 2018-ci ilin müvafiq dövründə anoloji sistemdən kredit təşkilatları tərəfindən 405,544 sorğu yerinə yetirilib.

Büroda aparılmış sorğuların 505,027-i (və ya 89%-i) banklar, 62,498-i (və ya 11%-i) isə bank olmayan kredit təşkilatları tərəfindən həyata keçirilib.

Qeyd olunan dövr ərzində 5,511 nəfər şəxs öz kredit hesabatlarını əldə etmək məqsədi ilə Büroya müraciət etmişdir. Müraciət etmiş şəxslərin 5,466-sı (və ya 99,2%-i) fiziki, 45-i (və ya 0,8%-i)  isə hüquqi şəxslər olub.

Eləcə də bax: "Problemli kreditləri ən yüksək səviyyədə həll etdik" - İLHAM ƏLİYEV

Digər xəbərlər

Banner