Maliyyə

İşsizlikdən Sığorta Fonduna haqq ödəyənlərin siyahısı - GENİŞLƏNDİRİLƏ BİLƏR

İşsizlikdən Sığorta Fonduna haqq ödəyənlərin siyahısı - GENİŞLƏNDİRİLƏ BİLƏR | FED.az
12:52 5 Noy 2019

Hesablama Palatası Əmək və Əhalinin Sosial Müdafiəsi Nazirliyi yanında İşsizlikdən Sığorta Fondu ilə bağlı hökumətə bir neçə tövsiyə verib.

FED.az xəbər verir ki, həmin tövsiyədə gəlirlər haqqında məlumatın ayrı-ayrılıqda verilməsi, özünüməşğulluq tədbirlərinin, işsiz və işaxtaran şəxslərin aktiv məşğulluq tədbirlərinə cəlb edilməsi istiqamətində mövcud maliyyə imkanlarından tam istifadə olunması üçün bu sahədə fəaliyyətin gücləndirilməsi kimi təkliflər verilib. 

Eləcə də bax:Hesablama Palatasına yeni auditor - TƏYİN EDİLƏCƏK

İşsizlikdən Sığorta Fondu ilə bağlı tövsiyələr aşağıdakı kimidir:

- Fondun dövlət büdcəsindən maliyyələşən təşkilatlar və digər sığortaedənlər üzrə gəlirləri istisna olmaqla qalan bütün gəlirlərin sair gəlirlərdə birləşdirildiyini nəzərə alaraq şəffaflığın və hesabatlılığın təmin edilməsi məqsədilə sair gəlirlərlə barədə məlumatların qanunvericiliklə müəyyən edilmiş istiqamətlər üzrə ayrı-ayrılıqda verilməsi;

- Büdcədənkənar dövlət fondlarının növbəti il üçün büdcələrinin qanunla təsdiq edildiyini nəzərə alaraq ölkədə dövlət vəsaitləri üzərində hesabatlılığın tamlığının təmin edilməsi, maliyyə inzibatçılığının gücləndirilməsi, həmçinin “Hesablama Palatası haqqında” qanunun tələblərinin icrasına şəraitin yaradılması məqsədilə büdcədənkənar dövlət fondlarının büdcələrinin icrasının, dövlət büdcəsində olduğu kimi, Qanunla təsdiq edilməsi;

- Fondun gəlir potensialından tam istifadənin fiskal dayanıqlılığının təmin edilməsi, həmçinin gələcəkdə işsizlikdən sosial müdafiə mexanizmlərindən yararlanması üçün mülkiyyətində kənd təsərrüfatına görə yararlı torpaqları istifadə edənlərin, fiziki şəxslərin və məcburi dövlət sosial sığorta haqlarını öz gəlirlərinə nisbətdə ödəyən şəxslərin də Fonda sığorta haqları ödənilməsi istiqamətində qanunvericiliyin təkmilləşdirilməsi;

- Fonda uzun müddət sığorta haqqı ödəmiş şəxslərin könüllü işdən azad olunduğu hallarda işsizliyə görə sığorta ödənişi almaq hüququnun müəyyən edilməsi üçün “İşsizlikdən sığorta haqqında” qanuna dəyişiklik olunması;

- Özünüməşğulluq tədbirlərinin, işsiz və işaxtaran şəxslərin aktiv məşğulluq tədbirlərinə cəlb edilməsi istiqamətində mövcud maliyyə imkanlarından tam istifadə olunması üçün bu sahədə fəaliyyətin gücləndirilməsi.

Digər xəbərlər