Gürcüstanın xarici dövlət borcu sentyabrın sonuna 9,03 milyard dollar təşkil edib və ilk dəfə 9 milyard dollar həddini keçib.
Fransa dövlət borcunu qaytarmaqda çətinliklə üzləşib - Şirkətlərin vergisi artırılacaq
FED.az xəbər verir ki, bu, Gürcüstan Maliyyə Nazirliyinin saytında dərc edilmiş məlumatlarda öz əksini tapıb.
Məlumata əsasən, Gürcüstanın dövlət borcu bir ay əvvəlki göstərici ilə müqayisədə 43,4 milyon dollar artıb. Ələlxüsus, Avropa İnvestisiya Bankına olan borc 9,1 milyon dollar, Beynəlxalq Yenidənqurma və İnkişaf Bankına olan borc isə 17 milyon dollar artıb. Gürcüstanın dövlətlərə olan borcları arasında ən böyük borc sahibi olan Fransaya olan borcu 1,6 milyon dollar artaraq 814,5 milyon dollardan çox olub. Almaniyaya olan borcu 7,2 milyon dollar artaraq 617,6 milyon dollar təşkil edib. Gürcüstanın Rusiyaya olan borcu dəyişməz qalaraq 7,8 milyon dollar təşkil edib.
İl ərzində Gürcüstanın dövlət borcu 580,7 milyon dollardan çox artıb, o cümlədən ölkənin Asiya İnkişaf Bankına olan borcu 216,3 milyon dollar, Beynəlxalq Yenidənqurma və İnkişaf Bankına olan borcu isə 220,4 milyon dollar artıb. (Report)
