Dünyanın aparıcı düyü istehsalçısı Çin güclü yağış və daşqın riskləri ilə mübarizə apardığı üçün qlobal düyü qiymətləri daha da bahalaşa bilər.
Hindistan ağ düyü ixracını - QADAĞAN EDİB
FED.az xəbər verir ki, qlobal kredit reytinqi agentliyi "Fitch Ratings" son hesabatında, "Çinin düyü istehsal edən şimal-şərq bölgəsində məhsuldarlığı azaldacaq güclü yağış, çox güman ki, onsuz da yüksək qlobal düyü qiymətlərinə yuxarı istiqamətdə təzyiq göstərəcək", deyə bildirilir.
Hesabata görə, Çin dünyanın ən böyük düyü istehsalçısıdır və ölkənin düyü istehsalının 23 faizini təşkil edən üç əyalət (Daxili Monqolustan, Jilin və Heilongjiang) daşqın xəbərdarlığının səviyyəsini artırıb.
Dünyanın ikinci ən böyük iqtisadiyyatı son həftələrdə dağıdıcı daşqınlar nəticəsində su altında qalıb. Dokuzuri tayfunu son illərdə Çinin şimalını vuran ən şiddətli fırtınalardan biri olub və paytaxt Pekini son 140 ilin ən güclü yağışlar ilə sarsılıb.
Fitch, bu üç əyalətdə bir çox mühüm düyü istehsal edən ərazilərin leysanlardan və Dokusuri tayfunundan mənfi təsirləndiyinə diqqət çəkərək, "Khanun tayfunu şimala doğru hərəkət edərsə daha bir tufan ilə qarşılaşa bilər",- deyilir. (Marja)
