Banner

Maliyyə

“Əmanətləri qaytarmaq üçün Fondda yetərli qədər vəsait var”

“Əmanətləri qaytarmaq üçün Fondda yetərli qədər vəsait var” | FED.az
11:02 29 Aprel 2020

“Bağlanan hər iki bankda əmanətlər 100% sığortalanıb”.

Eləcə də bax: “Atabank” və “Amrah Bank”dakı əmanətlərlə bağlı – RƏSMİ AÇIQLAMA

FED.az xəbər verir ki, bu sözləri Mərkəzi Bankın baş direktoru Rəşad Orucov REAL TV-ə müsahibəsində deyib.

O bildirib ki, bankların qanunvericiliyə uyğun şəkildə lisenziyası tam şəkildə ləğv olunduqdan sonra onlarda ləğvetmə prosedurlarının başlanması üçün məhkəməyə müraciət olunacaq: “Məhkəmənin müvafiq qərarı qəbul edildikdən sonra bankda ləğvedici öz fəaliyyətinə başlayacaq. Eyni zamanda, artıq tam sığortalanmış əmanətlərin geri ödənilməsi üzrə prosedurlar işə düşəcək. Bankın müflisləşməsinin baş verməsi sığorta halıdır. Beləliklə Əmanətlərin Sığortalanması Fondu lisenziyası ləğv edilmiş banklarda qorunan əmanətlərin geri ödənməsi prosesinə başlayacaq. Bunun üçün Fondda yetərli qədər vəsaitlər var. Əlavə vəsaitlər Mərkəzi Bank tərəfindən ödəniləcək”.

R. Orucov müvəqqəti inzibatçı təyin olunmuş digər iki bankın gələcək taleyindən də danışıb: “Hazırda həmin banklarda da bütövlükdə situasiyanın qiymətləndirilməsi prosesi həyata keçirilir. Müvafiq qiymətləndirilmələr aparıldıqdan sonra müvəqqəti inzibatçılar Mərkəzi Banka nəticələri təqdim etməlidir. Məhz bu qiymətləndirmələrin nəticəsinə əsasən idarə heyəti tərəfindən qərar qəbul ediləcək. Hazırda bütövlükdə bank sektorunda situasiya stabildir. Bu nöqtəvi problemlərin ümumi sektordakı stabilliyə ciddi bir formada təsiri yoxdur, onunla xarakterizə olunmamalıdır”.

Qafqazinfo

Digər xəbərlər

Banner