İlkin qiymətləndirməyə görə, 2020-ci ildə Rusiya iqtisadiyyatının 4% azalacağını gözləyən Dünya Bankı bu il ölkədə iqtisadi artımın 2,6% olacağını proqnozlaşdırır.

Eləcə də bax:Dünya Bankı: Türkiyə iqtisadiyyatı pandemiyaya rəğmən ötən il - 0,5% Artıb

FED.az xəbər verir ki, bu barədə Dünya Bankının "Global Economic Prospects" hesabatında bildirilir.

Hesabatda qeyd edilir ki, COVID-19 pandemiyasının yeni dalğasının ölkədə iqtisadi böyümənin sürətini ləngidir və bu səbəbdən 2021-ci ildə gözlənən 2,6%-lik artım potensial mümkün ola biləcək artımdan azdır. 2022-ci ildə Rusiyada ÜDM-in artım tempinin bir qədər sürətlənərək 3% təşkil edəcəyi gözlənilir. Bu ilin əvvəlində gözlənən COVID-19-a qarşı vaksinasiya sözügedən artım üçün zəmin yaradır.

Bank qeyd edir ki, ümumi iqtisadi artım sənaye-əmtəə qiymətlərindəki yüksəlişi və digər iqtisadi tədbirlərinin davam etdirilməsi ilə daha da dəstəklənəcək. Bu tədbirlərə faiz nisbətlərinin aşağı salınması və daha uyğun maliyyə siyasətinin davam etdirilməsi daxildir. (Apa)