2019-cu ilin May ayında Azərbaycanda pul bazası 677,3 milyon manat artıb. 

FED.az Mərkəzi Bankın statistikasına istinadən xəbər verir ki, 31 May 2019-cu il tarixində pul bazası 10 milyard 172.4 milyon manat təşkil edib.

Apreldə pul bazası 548,8 milyon manat artaraq 9 milyard 495.1 milyon manat manata çatmışdı. Son 2 ayda pul bazası 1 milyard 226,1 milyon manat artıb.

Pul bazası dedikdə - Pul kütləsinin Mərkəzi Bank tərəfindən qısa müddət ərzində dəyişdirilə bilən hissəsi nəzərdə tutulur. Pul bazasının tərkibinə dövriyyədə olan nağd pul və bank ehtiyatları (kommersiya
banklarının Mərkəzi Bankdakı müxbir hesablarının qalıqları) daxildir.

Eləcə də bax: Mərkəzi Bankın valyuta ehtiyatları - XEYLİ ARTIB

©Marja