Bir həftə ərzində Çində 40 bank bağlanıb, 3800-dən çox maliyyə qurumu iflas ərəfəsindədir.
Çindən Orta Dəhlizlə bu ilin birinci yarısında 105 blok qatar yola salınıb
FED.az xəbər verir ki, bağlanmış bankların çoxu istehsalçılara və yerli hökumətlərə kreditlər verirdi.
Çinin bank sektoru ciddi böhranla üz-üzədir. Çinin Jiangxi Bankının dağılması sənayedəki vəziyyəti daha da çətinləşdirdi. Mütəxəssislər bu vəziyyətin dünya iqtisadiyyatına ciddi fəsadlar verə biləcəyi barədə xəbərdarlıq edirlər.
Renminbao portalı Çinin Jiangxi Bankına iflas şayiələrindən narahat olan müştərilər tərəfindən basqın edildiyini bildirib. Bank müştərilərin ödənişləri ilə bağlı problemlər səbəbindən mənfəətinin 30% azala biləcəyini açıqlamışdı.
The Economist-in məlumatına görə, Çində təxminən 3800 bank iflas ərəfəsindədir. Bu bankların ümumi aktivləri 5,7 trilyon dollar və ya ölkənin bank sisteminin 13%-ni təşkil edir. Jurnal qeyd edir ki, bu banklar çoxdan yanlış idarə olunub və çoxlu ümidsiz kreditlər toplayıb.
Məqalədə qeyd olunur ki, bu bankların bir çoxu daşınmaz əmlak böhranına qapılıb və inşaatçılara və yerli hökumətlərə kreditlər verib. Müəlliflər bildirirlər ki, son illər bəzi bankların portfelinin 40%-i problemli kreditlərdən ibarətdir.
Çinin bir çox şəhərləri və hətta bütün bölgələri borc içində qalıb. Yerli hökumət rəsmiləri borclar çox böyük olduğuna görə yazda Pekinə elçi göndərmişdilər. Ödənilməmiş borclar getdikcə regional iqtisadiyyata və milli iqtisadi artıma təhlükə yaradır.
Çinin şəhərlərini batan borclar ilk növbədə daşınmaz əmlak böhranı və pandemiyanın nəticəsidir.
