Banner

Maliyyə

Çin milli valyutanı da karantinə saldı - KAĞIZ PULLARI TƏMİZLƏYİRLƏR - VİDEO

Çin milli valyutanı da karantinə saldı - KAĞIZ PULLARI TƏMİZLƏYİRLƏR - VİDEO | FED.az
23:17 15 Fev 2020

Çin hökuməti koronavirusla mübarizə çərçivəsində kağız pullara müharibə elan edib.

FED.az xəbər verir ki, Çin Xalq Bankı ölkədəki koronavirus təhlükəsi ilə əlaqədar olaraq dövriyyəyə təzə əsginazlar buraxaraq, istifadə olunmuş kağız pulları yığıb 7-14 günlük karantinə yerləşdirəcək.

Bu haqda Çin Xalq Bankının sədr müavini Fan İfey keçirdiyi mətbuat konfransında məlumat verib.

Fan İfey vurğulayıb ki, koronavirusun yayılmağa başlamasından sonra əhalinin nağd pullardan istifadəsi ilə bağlı təhlükəsizlik tədbirləri gücləndirilib: “Yeni əsginazların əhali tərəfindən rahat əldə edildiyinə əmin olduqdan sonra 17 yanvar tarixinədək Çin Xalq Bankı ölkə boyu 600 milyard yuanadək yeni pulların yayılmasını təmin edib”.

O, həmçinin qeyd edib ki, Çində Yeni il bayramının başlamasından əvvəl (24 yanvar) Uhan şəhərinə 4 milyard yuanadək yeni əsginaz göndərilib.

Banklara daxil olan nağd pullar isə ultrabənövşəyi şüalarla işıqlandırılır, spirtlə dezinfeksiya edilir, 14 günlük karantinə yerləşdirilir.

Digər xəbərlər

Banner