Bu günə qədər "YAŞAT" Fondunun hesabına 75 846 318.85 vəsait mədaxil olub.
Şəhid ailələri və qazilərin təhsilinə 1 milyon manatdan çox vəsait - XƏRCLƏNİB
Trend-in məlumatına görə, bunu "YAŞAT" Fondunun 2 illik fəaliyyəti ilə bağlı keçirilən mətbuat konfransında fondun rəhbəri Elvin Hüseynov deyib.
O bildirib ki, fondun fəaliyyət istiqamətləri üzrə 71 612 351.53 manat məbləğində vəsait xərclənib. Qalıq vəsait isə 4 233 967.32 manat təşkil edir.
"Xərclənən vəsaitdən məişət şəraitinin yaxşılaşdırılması istiqaməti üzrə 41 042 300.00 manat, təhsil, peşə hazırlığı və yaradıcı potensialın inkişafı xərcləri, 1 347 611.19 manat, istehlak kreditləri və digər borc öhdəliklərinin qarşılanması: 6 772 442.30 manat, müalicə və psixoloji dəstək xərclərinin ödənilməsi 22 449 998.04 manat olub.
Bu günə qədər "YAŞAT" Fondu 71 milyon manatdan artıq vəsait xərcləyib" ,- E.Hüseynov bildirib. (Trend)
