Azərbaycan Mərkəzi Bankı (AMB) Azərbaycan Xalq Cümhuriyyətinin (AXC) yaranmasının 100 və Heydər Əliyevin anadan olmasının 95 illiyi münasibətilə yubiley sikkələri buraxmağı planlaşdırır. Hər biri 2 min ədəd olan sikkələr Böyük Britaniyada kəsilib.

FED.az xəbər verir ki, bu barədə AMB-nin İdarə Heyətinin sədri Elman Rüstəmov məlumat verib: "Cümhuriyyətin yaranmasının 100 illiyinə həsr olunmuş sikkə mayın 28-dək Azərbaycana gətiriləcək. Heydər Əliyevin anadan olmasının 95 illiyinə həsr olunmuş sikkə də respublikaya mayda (10 may) gətiriləcək. AMB onun təqdimatını keçirəcək".