Birjalarda kriptovalyutaların qiymətində inanılmaz artım baş verir.
FED.az xəbər verir ki, dünyanın əsas kriptovalyutası sayılan bitcoinin dəyəri yüksək sıçrayışla artaraq ötən gün 9 min dolları keçib. Dünən gecə isə qiymət artımları ondan da böyük sürətdə davm edərək 9700 dolları keçib. Hazırda, Bakı vaxti ilə saat 9-15-ə olan məlumata görə, birjalarda bitkoin 9715 dollardır. Xatırladaq ki, bitcoinin dünən bu saatlara olan qiyməti 8 930 dollar idi. Başqa sözlə, s on bir sutkada bitkoin təqribən 800 dollar və ya 9% bahalaşıb.
Ümumilikdə isə son bir həftə ərzində bitkoin 1700 dollar və ya 21,5% bahalaşıb. Belə ki, bir həftə əvvəl bitkoin cəmi 7 997 dollara satılırdı. Son bir ayda bitkoin 3782 dollar və ya 63%, son bir ildə isə 13,3 dəfə bahalaşıb. Xatırladaq ki, bir il əvvəl – 2016-cı il noyabrın 27-də bitkoinin qiyməti 732 dollar idi.
Bitcoinin qiyməti «uçur» - İNANILMAZ ARTIMLAR
09:26
27 Noy 2017
