2023-cü il 01 oktyabr tarixinə xarici dövlət borcu manat ifadəsində 11 milyard 109,5 milyon manat (6 milyard 535,0 milyon ABŞ dolları ekvivalenti) təşkil etmiş və cari il üzrə proqnozlaşdırılan ÜDM-in 9,3 faizi həcmində olmuşdur.
Maliyyə Nazirliyi 1,1 milyard manatdan çox kəsiri olan büdcə haqqında məlumatları - AÇIQLADI
Bu barədə FED.az Maliyyə Nazirliyinə istinadən xəbər verir.
Hesabat dövrünə daxili dövlət borcu 6 milyard 93,8 milyon manat təşkil etmiş və cari il üzrə proqnozlaşdırılan ÜDM-in 5,1 faizi həcmində olmuşdur. Daxili dövlət borcunun əsas hissəsi dövlət büdcəsi kəsirinin maliyyələşdirilməsi və dövlət qiymətli kağızlar bazarının inkişafının dəstəklənməsi məqsədilə buraxılmış dövlət istiqrazlarından ibarətdir.
Hesabat dövrünə dövriyyədə olan dövlət qiymətli kağızlarının 25,4 faizi 1 illik, 57,9 faizi 2 və 3 illik,16,6 faizi isə 5 və 7 illik dövlət qiymətli kağızlarının payına düşür.
2023-cü il 01 oktyabr tarixinə Azərbaycan Respublikasının dövlət borcunun (xarici və daxili) ümumi məbləği 17 milyard 203,3 milyon manat və ya 2023-cü il üzrə proqnozlaşdırılan ÜDM-in 14,4 faizini təşkil etmişdir.
2023-cü ilin yanvar-sentyabr aylarında dövlət borcuna xidmət edilməsi ilə bağlı xərclər 713,7 milyon manat təşkil etmişdir. Sözügedən xərclərin 591,9 milyon manat həcmində hissəsi xarici dövlət borcuna xidmət xərclərinin, 121,8 milyon manatı isə daxili dövlət borcuna xidmət xərclərinin payına düşür.
Bununla yanaşı, 2023-cü ilin 9 aylıq dövrü ərzində xarici dövlət borcu üzrə əsas borc ödənişlərinin 432,6 milyon manatı, daxili dövlət borcu üzrə vaxtı çatan əsas borc ödənişlərinin 557,3 milyon manatı, ümumilikdə 989,9 milyon manat məbləğində vəsait daxili maliyyə bazarında yerləşdirilmiş dövlət istiqrazları hesabına yenidən maliyyələşdirilmişdir.
