Azərbaycan Mikromaliyyə Assosiasiyası və Dünya Bankı Qrupunun üzvü olan Beynəlxalq Maliyyə Korporasiyası (IFC) ilə birlikdə İsveçrənin İqtisadi Məsələlər üzrə Dövlət Kaktibliyi (SECO) tərəfindən kənd təsərrüfatının rəqabət qabiliyyətini artırmaq məqsədilə maliyyələşdirilmiş Azərbaycan İnvestisiya Mühiti və Aqrobiznesin Rəqabətliliyi Layihəsi (AİMAR) çərçivəsində 23 aprel 2019-cu il tarixində İFC-nin ofisində Bank olmayan Kredit təşkilatları üçün “Kənd təsərrüfatında mənfəətli dəyər zəncirlərinin maliyyələşdirilməsi: Mikromaliyyə təşkilatları üçün kreditləşdirmə imkanları” adlı tədbir təşkil edib.
AMFA-dan FED.az-a verilən məlumata görə,tədbirin məqsədi sağlam kənd təsərrüfatı portfeli yaratmaq üçün kənd təsərrüfatı sektorunun mənfəətli kreditləşməsi, dəyər zəncirlərinin daxilində maliyyəyə olan ehtiyac və risk təsirlərinin azaldılması strategiyaları barədə mikromaliyyə təşkilatlarını məlumatlandırmaqdır.Tədbir zamanı Mikromaliyyə təşkilatları xüsusilə də nəğd pul dövriyyəsinə əsaslanan kreditləşmə modeli, habelə daha az riskli və daha mənfəətli kənd təsərrüfatı portfelinin inkişafına kömək edə biləcək dəstək həlləri və xidmətləri haqqında məlumat əldə etdilər.
Tədbirdə açılış nitqi ilə Beynəlxalq Maliyyə Korporasiyasının Avropa və Mərkəzi Asiya Kənd Təsərrüfatı Maliyyə Xidmətləri üzrə proqram meneceri xanım Liya Soroka, İsveçrə Əməkdaşlıq Təşkilatının Cənubi Qafqaz üzrə regional direktorunun müavini və İsveçrənin Azərbaycan Respublikasında Səfirliyində missiya rəhbərinin (səfirin ) müavini Dr. Simone Haeberli və Azərbaycan Mikromaliyyə Assosiasiyasının Layihələr üzrə meneceri Vüsalə Qarayeva çıxış etmişdilər.
Xanım Soroka layihənin vəzifə və məqsədləri barədə qısa məlumat verərək BOKT-ların bu imkanlardan yararlanmasını xahiş etmişdir. Dr. Simone Haeberli kənd təsərrüfatının onun ölkəsində olan əhəmiyyətindən və bu sahənin inkişafının Azərbaycanda da iqtisadiyyatın diverfikasiyasına əhəmiyyətli dərəcədə kömək edəcəyinə inandığını vurğuladı və assosiasiyanın köməyi ilə bank olmayan kredit təşkilatlarının da bu layihədən faydalanmmasını tövsiyyə etdi.
AMFA-nı təmsil edən xanım Qarayeva ölkədə kənd təsərrüfatının inkişafına assosiasiya olaraq nə qədər önəm verildiyini qeyd edərək bildirdi ki, AMFA bir neçə il qabaq “Kənd təsərrüfatı Kreditlərinin sığortalanması mexanizminin yaradılması” məqsədilə bir neçə ölkənin təcrübəsini öyrənərək tövsiyyələr hazırlamış və əlaqədar dövlət orqanlarına təqdim etmişdir.Bundan əlavə o qeyd etdi ki, dəyər zəncirinin yaradılması bu sahədə olan bir çox çətinliklərin aradan qaldırılmasına yardım edəcək. Ən əsası uzaq perspektivdə kənd yerlərində özünəməşğulluğun inkişafına təkan verərək müəyyən mənada gənc və orta yaşlı insanların kənddən şəhərə axınının qarşısını almış olacaq.Bunun üçün birlikdə dəyər zəncirini yaratmaqda maraqlı olan tərəflərin dəyirmi masa arxasına dəvət edilməsinin və konkret addımlar atılmasının vacib olduğu vurğulanmışdır.
Daha sonra İFC-nin Azərbaycan İnvestisiya Mühiti və Aqrobiznes Rəqabətliliyi Layihəsinin mütəxəssisləri xanım Leyla Hüseynli, Ağaməhəmməd Alosmanov, Mirsahab Mirzəyev, Aqil Abdullayev və Andriy Zaripov layihə çərçivəsində Qlobal kənd təsərrüfatı bazarı: Maliyyələşdirmə imkanları; mənfəətli dəyər zəncirlərinin inkişafı: Məikromaliyyə təşkilatları üçün imkanlar və İFC ilə əməkdaşlığın faydaları haqqında iştirakçılara təqdimat etmişlər.
Azərbaycanda fermerlərə kreditlər - YENİ ÜSULLARLA VERİLƏCƏK - TOPLANTI
15:49
24 Aprel 2019
