Trampın məğlubiyyəti qəbul etməməsi və Baydenin artıq öz planlarını həyata keçirməyə hazırlaşması fonunda dollar ucuzlaşmaqda davam edir. Eyni zamanda, Irlandiya xarici işlər nazirinin bu həftə Breksit ticarət sazişinin imzalana biləcəyinə dair səsləndirdiyi fikirlər həm avronun, həm də funtun dünya birjalarında daha da qüvvətlənməsinə təsir edib.
AVRO 1.20 HƏDLƏRİNİ TEST ETDİ
Cari ticarət həftəsinin ilk günündə EUR/USD cütlüyü 1.20 hədlərini test etsə də, burada ciddi müqavimətlə qarşılaşaraq bir qədər geri çəkildi. Təhlillərə əsasən, avro 1.1972 səviyyəsini qırarsa, ondan sonra kəsilə biləcək növbəti hədəfləri 1.2011 və 1.2062 səviyyələri ola bilər.
FUNT ÜFÜQİ DALĞALANIR
1.3330 və 1.3390 dəhlizində dalğalanan GBPUSD cütlüyü 1.3400 həddini qıra bilmir. Bu hədd qırılarsa, artımlar 1.3482 və 1.3570 həddlərinə qədər davam edə bilər.
QIZILDA KORREKSİYA PROQNOZLARI
Noyabr ayının son ticarət həftəsini 1800$ hədlərinin altında tamamlayan qızılda korrektiv artımlar müşahidə edilə bilər. Təhlillərə əsasən, 1790$ səviyyəsi yuxarı yöndə qırılarsa, növbəti hədəflər 1811$ və 1842$ səviyyələri ola bilər.
Məlumat Azərbaycanın İnvestAZ İnvestisiya şirkətinin analitikləri tərəfindən hazırlanıb.
