Azərbaycan Mühasiblər və Risk Peşəkarları Assosiasiyasının (ARPA) korporativ üzvləri siyahısına daha iki maliyyə təşkilatı qoşulub.
ARPA-nın ictimaiyyətlə əlaqələr şöbəsinin verdiyi məlumata görə, “Azərbaycan Sənaye Bankı” və “AzSığorta” şirkəti iyun ayından etibarən ARPA-nın rəsmi korporativ üzvləri sırasında yer alıblar. Bununla da, APRA-nın korporativ üzvlərinin sayı 17-yə çatıb.
Qeyd edək ki, ARPA-nın “fərdi üzvlük”, “korporativ” və “fəxri üzvlük” paketləri mövcuddur. Üzvlüklə bağlı paketlərlə tanış olmaq üçün (http://arpa.org.az/az/one-page/) qeyd olunan keçid linkindən istifadə edə bilərsiniz.
Xatırladaq ki, ARPA 2009-cu ildən fəaliyyət göstərir. Qurumun məqsədi ölkədə maliyyə və idarəetmə sahəsində, xüsusilə mühasibatlıq və risklərin idarə olunması istiqamətində peşəkar yanaşmaların tətbiqinə təkan vermək və bu yolla Azərbaycanda iqtisadiyyatın dayanıqlı inkişafına töhfə verməkdir. ARPA-nın hazırda 1000-dən çox fərdi, 17 korporativ üzvü var.
ARPA-ya üzv təşkilatların sayı artır
11:15
9 İyul 2018
