Məktəblilər arasında rəqəmsal ödənişlər sahəsində savadlılıq artırılmasına çalışırıq.
Kart məlumatlarının təhlükəsizliyini qorumaq üçün nələr edilməlidir?
FED.az xəbər verir ki, bunu Mərkəzi Bankın Bazar Davranışlarının Tənzimlənməsi Departamentinin Maliyyə məlumatlılığı və peşəkar inkişaf şöbəsinin rəisi İlahə Baxışova deyib.
O bildirib ki, hər gün milyonlarla insan rəqəmsal ödənişlər zamanı onlayn dələduzluğun qurbanı olur. Bu baxımdan hər il Mərkəzi Bank tərəfindən “Qlobal pul həftəsi" çərçivəsində məktəbli və gənclərin maliyyə savadlılığının artırılması üçün maarifləndirici tədbirlər keçirilir.
“Məqsədimiz gənclərin erkən yaşlarından maliyyə vərdişlərinin formalaşdırılmasıdır. Bu il bu müsabiqə Təhsil Nazirliyinin də dəstəyi ilə 10 məktəb arasında keçirilib. Bu günə qədər müxtəlif region məktəblərində bu cür tədbirlər keçirilib. Bu il də region məktəblərində belə tədbirlərin keçirilməsini planlaşdırırıq”- İlahə Baxışova əlavə edib. (Apa)
