Azərbaycana xaricdən idxal olunan döşənmə üçün plitələr, döşəmələr, bəzək üçün keramika məmulatları üçün yüksək idxal rüsumları saxlanılır.
Bu məhsulların idxalı zamanı 1 kvadrat metri üçün 2 ABŞ dolları idxal rüsumu ödənilirdi. Rüsum üçün müəyyən olunmuş son tarix 01.11.2018-ci il tarixinədək idi. Nazirlət Kabinetinin yeni qərarına əsasən 15.12.2019-cu il tarixinədək 15 faiz, lakin 1m2 -ə 2 ABŞ dollarından az olmamaqla idxal rüsumu alınacaqdır.
Minalanmamış məhsullar üçün də 15 faiz, lakin 1 kvadrat metrinə 2 ABŞ dollarından az olmamaqla idxal rüsumu tələb olunacaqdır.
Qeyd edək ki, Qərara əsasən, bir sıra idxal kənd təsərrüfatı, ərzaq və tikinti sənayesi məhsullarının xüsusi gömrük rüsumlarının müddəti noyabrın 1-dən 2019-cu il dekabrın 15-dək uzadılır.
Hökumət keçən ilin noyabrında "Azərbaycan Respublikasının xarici iqtisadi fəaliyyətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələri"ni təsdiq edib. Sənəd yerli istehsalçıların qorunması üçün qəbul edilmişdi. Yeni qaydalara əsasən, toyuq əti, toyuq yumurtası, pomidor, soğan, xiyar, fındıq, üzüm, alma, armud, xurma, bəzi meyvə şirələri (limon, ananas, pomidor, üzüm, alma), sərinləşdirici içkilər üçün müvəqqəti rüsumlar müəyyən edildi. Xüsusi rüsumlar malların miqdarı, həcmi və ya idxal dəyərindən asılı olaraq ABŞ dolları ilə hesablanır.
