İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti “Veysəloğlu” MMC-ni 715 227 manat cərimələyib.
Eləcə də bax: Türkiyə mühərrik yağlarını Yapon yağı kimi satan - Şəxs Barəsində İş Qaldırıldı
FED.az bu barədə Dövlət Xidmətinə istinadən xəbər verir.
Məlumata görə, şirkətin qarabaşaq məhsullarının topdansatışı bazarında hökmran mövqeyə sahib olduğu, bundan istifadə edib satış məntəqələri arasında qiymət ayrı-seçkiliyinə yol verdiyi aşkarlanıb. Nəticədə pərakəndə satış məntəqələrinin qarabaşaq məhsullarının satışı sahəsində eyni şərtli rəqabət imkanları məhdudlaşıb. “Antiinhisar fəaliyyəti haqqında” qanunun tələblərini pozduğu əsas götürülərək “Veysəloğlu”ya maliyyə sanksiyası tətbiq olunub.
Dövlət Xidməti “Antiinhisar fəaliyyəti haqqında” qanun və Nazirlər Kabinetinin “Antiinflyasiya tədbirlərinin gücləndirilməsi ilə bağlı təxirəsalınmaz tədbirlər haqqında” 21 fevral 2022-ci il tarixli sərəncamından irəli gələn məsələlər çərçivəsində istehlak səbətində əhəmiyyətli yer tutan qida mallarının satışı bazarında antiinhisar qanunvericiliyinin tələblərinə əməl olunmasına nəzarət məqsədilə araşdırmalar aparır", - deyə məlumatda qeyd olunub.
