Türkiyədə minimum əməkhaqqı 30 faiz artırılıb.
FED.az xəbər verir ki, bunu iyulun 1-də İstanbulda keçirilən mətbuat konfransında prezident Rəcəb Tayyib Ərdoğan açıqlayıb. O minimum əmək haqqının 30 faiz artırılaraq 4 253 lirədən 5 500 lirəyə qaldırıldığını elan edib. Ərdoğan, dövlətin hər işçiyə görə işəgötürənlərə 100 lirə dəstək olacağını da bildirib.
Başqa sözlə Türkiyədə minimum əmək haqqı 328 dollar və ya 558 manat həddindədir.
BU qərar iyulun 1-dən qüvvəyə minib. Ərdoğan bildirib ki, artımla bağlı qərara ilin sonunda yenidən baxılacaq.
