"Gro Intelligence" kənd təsərrüfatı təhlil firmasının məlumatına görə, ehtiyatlarda 10 həftə ərzində dünya istehlakını təmin edəcək qədər buğda qalıb. Bu rəqəmin 2008-ci il maliyyə böhranından bəri görülən ən aşağı səviyyədir.
Eləcə də bax: Rusiya taxıl ixracına rüsumu bir qədər də - AZALDIR
FED.az xəbər verir ki, bu səviyyə gözləniləndən daha pis hesab olunur. Dövlətlər qlobal buğda ehtiyatlarının illik istehlakın 33 faizini təşkil etdiyini iddia edərkən, "Gro Intelligence"in baş direktoru Sara Menker cümə axşamı Birləşmiş Millətlər Təşkilatının Təhlükəsizlik Şurasında qida təhlükəsizliyi ilə bağlı iclasda çıxış edərək, bu nisbətin əslində 20 faizə yaxın olduğunu söyləyib.
Uzun müddətdir yaxınlaşan ərzaq böhranı ilə bağlı xəbərdarlıq edən Menker artan aclıq təhlükəsi qarşısında təcili tədbirlər görülməsi lazım olduğuna diqqət çəkib. Artan məhsul qiymətləri milyonlarla insanı risk altında qoyub, quraqlıq və artan gübrə qiymətləri isə qarşıdakı dövrdə taxıl tədarükünü təhlükə altına salmağa başlayıb.
Pandemiya tədarük zəncirlərini pisləşdirməmişdən əvvəl ərzaq böhranını proqnozlaşdıran keçmiş enerji əmtəə treyderi Menker, "Bu dövri deyil. Bu seysmik böhrandır. Bu, nəsildə bir dəfə baş verən hadisədir və geosiyasi dövrə dramatik təsir göstərə bilər" deyib.
"Gro Intelligence" məhsul bazarlarını və iqlim böhranını dəqiq proqnozlaşdırmaq üçün süni intellektə əsaslanan proqramdan istifadə edir. (Marja)
