Beynəlxalq Maliyyə İnstitutu (IIF)  "Qlobal Borc Monitoru" hesabatını dərc edib.

Eləcə də bax: 2021-ci ilin sonuna Azərbaycan iqtisadiyyatı pandemiyadan - Öncəki Səviyyəyə Çatacaq

FED.az hesabata istinadən xəbər verir ki, qlobal borc məbləği bu ilin üçüncü rübündə 296 trilyon dollar olaraq hesablanıb. Qlobal borc məbləği, keçən ilin eyni dövründə 280,1 trilyon dollar təşkil etmişdi.

Qlobal borclar, bu ilin ikinci rübündə tarixinin ən yüksək səviyyəsinə çatmasının ardından üçüncü rübdə məhdud azalıb, amma rekord səviyyəyə yaxın qalıb.

Bu il qlobal borclardakı artım yavaşlayarkən, 2021-ci ilin sonunda 295 trilyon dollara düşəcəyi, ancaq yenə də Covid-19 pandemiyasından əvvəlki səviyyədən 36 trilyon dollar yüksək olacağı təxmin edilir.

İnkişaf etməkdə olan ölkələrin borcu rekord səviyyəyə çatıb

Qlobal borcun, ölkələrin cəmi ümumi daxili məhsullarına (ÜDM) nisbəti isə daha güclü iqtisadi fəaliyyət və yüksək inflyasiyanın köməyilə azalma göstərməyə davam edərək 350%-ə enib.

Qeyd edilib ki, güclü iqtisadi bərpa qlobal borcun ÜDM-ə nisbətinin düşməsinə kömək edir, ölkələrin 70%-indən çoxu 2020-ci ilin sonundan bu yana borc nisbətlərində azalma qeyd edib.

Qlobal borcun ÜDM-ə nisbətinin bu il 346%-ə düşəcəyi nəzərdə tutulur.

İnkişaf etmiş iqtisadiyyatların cəmi borcu bu ilin üçüncü rübündə 204 trilyon dolların altına geriləyib, inkişaf etməkdə olan iqtisadiyyatların cəmi borcları 92,5 trilyon dollar ilə tarixinin ən yüksək səviyyəsinə çatıb.

Cəmi borcun ÜDM-əə nisbəti inkişaf etmiş iqtisadiyyatlarda ilin üçüncü rübündə 410%, inkişaf etməkdə olan iqtisadiyyatlarda 247% təşkil edib.

Hesabata görə, ailələrə aid borclar ilin üçüncü rübündə 55,4 trilyon dollar, qeyri-maliyyə şirkətlərə aid borclar 86,6 trilyon dollar, dövlətə aid borclar 86,3 trilyon dollar və maliyyə şirkətlərinə aid borclar 67,8 trilyon dollar olaraq hesablanıb. (Marja)