İqtisadiyyat

Ölkədəki bütün xəstəxanalar - BU ŞƏXSƏ TABE OLACAQ - TƏYİNAT

Ölkədəki bütün xəstəxanalar - BU ŞƏXSƏ TABE OLACAQ - TƏYİNAT | FED.az
15:52 2 Dek 2019

İcbari Tibbi Sığorta üzrə Dövlət Agentliyinin (Agentlik) İdarə Heyətinin sədri Zaur Əliyev Ramin Bayramlının “Tibbi Ərazi Bölmələrini İdarəetmə Birliyi” publik hüquqi şəxsin (TƏBİB) İdarə Heyətinin sədri təyin edilməsi haqqında əmr imzalayıb.

Eləcə də bax: Azərbaycanda bu xəstəxanalar - YENİ QURUMUN TABELİYİNƏ KEÇƏCƏK - TAM SİYAHI

FED.az xəbər verir ki, R.Bayramlı 20 noyabr 1979-cu ildə anadan olub. 2001-ci ildə Azərbaycan Tibb Universitetinin (ATU) tibbi profilaktika fakültəsini bitirib. Əmək fəaliyyətinə 2001-ci ildə ATU-nun Mikrobiologiya və İmmunologiya kafedrasında baş laborant vəzifəsində başlayıb.

Eləcə də bax: Azərbaycanda nazirlərin yüksək vəzifədə işləyən - QARDAŞLARININ - SİYAHISI

2005-ci ildən kafedrada assistent, 2009-cu ildə baş müəllim, 2013-cü ildə isə dosent vəzifələrində çalışıb. 2011-2016-cı illərdə ATU-nun Tədris Terapevtik Klinikasının Mərkəzi Laboratoriyasının müdiri, 2013-2016-cı illərdə həmin Klinikanın baş həkimi vəzifələrində fəaliyyət göstərib.

Eləcə də bax: Neft Fondunun direktorunun qardaşları: Nazir müşaviri, Baş prokurorun müavini və SOCAR... FOTO

O, bu vəzifəyə təyin olunanadək Talassemiya Mərkəzi publik hüquqi şəxsin elmi işlər üzrə direktor müavini vəzifəsində çalışıb. Hazırda ATU-nun Mikrobiologiya və İmmunologiya kafedrasının dosenti vəzifəsində işləyir. “Azərbaycan Klinik Laboratoriya Mütəxəssisləri” İctimai Birliyinin təsisçisi və sədr müavinidir.

R.Bayramlı çoxsaylı tibbi məqalələrin, dərs vəsaitlərinin və dərsliyin müəllifidir. O, Türkiyə Respublikasının İstanbul və Ondokuz Mayıs Universitetlərində elmi-tədqiqat işlərini yerinə yetirib, ixtisasartırma kursları keçib.

Eləcə də bax:İcbari tibbi sığorta ilkin mərhələdə - 2 MİLYONU ƏHATƏ EDƏCƏK

Qeyd edək ki, 2020-ci ildən TƏBİB-in tabeliyinə verilən dövlət səhiyyə sisteminə daxil olan tibb müəssisələrinin təsisçisinin səlahiyyətlərini, idarəedilməsini və bu sahədə nəzarəti TƏBİB həyata keçirəcək.

Digər xəbərlər