2022-ci ilin 7 ayı ərzində Azərbaycanın ixracı 22 milyard 565 milyon 90 min dollar, o cümlədən neft-qaz sektoruna daxil olan mallar üzrə ixrac 20 milyard 883 milyon 49 min dollar (ixracın 92,55%-i), neft-qaz sektoruna daxil olmayan mallar üzrə ixrac 1 milyard 682 milyon 41 min dollar (ixracın 7.45%-i) təşkil edib.
FED.az biznes və maliyyə xəbərləri portalı xəbər verir ki, 2022-ci ilin ilk 7 ayı ərzində neft-qaz sektoruna daxil olmayan mallar üzrə ixrac ötən ilin eyni dövrü ilə müqayisədə 327 milyon 761 min dollar və ya 24% artıb. Neft-qaz sektoruna daxil olan mallar üzrə ixrac isə 2 dəfədən çox artıb.
Müqayisə üçün qeyd edək ki, 2021-ci ilin 7 ayı ərzində Azərbaycanın cəmi ixracı 11 milyard 393 milyon 520 min dollar, o cümlədən neft-qaz sektoruna daxil olan mallar üzrə ixrac 10 milyard 39 milyon 239 min dollar (ixracın 88.11%-i), neft-qaz sektoruna daxil olmayan mallar üzrə ixrac 1 milyard 354 milyon 280 min dollar (ixracın 11.89%-i) təşkil etmişdi.
Neft-qaz sektoruna daxil olan malların cəmi ixracda xüsusi çəkisi 11.89%-dən 7.45%-ə düşüb, neft-qaz sektoruna daxil olan malların ixracda xüsusi çəkisi isə 88.11%-dən 92,55%-ə yüksəlib.
Azərbaycanın cəmi idxalı 2022-ci ilin ilk 7 ayı ərzində 7 milyard 493 milyon 819 min dollar təşkil edib ki, bu da ötən ilin eyni dövrü ilə müqayisədə 1 milyard 195 milyon 870 min dollar və ya 19% çoxdur.
Azərbaycanın idxalı neft-qaz sektoruna daxil olmayan malların ixracını 4,5 dəfə üstələyir. Əgər Azərbaycan neft-qaz sektoruna daxil olan malları ixrac etməsəydi xarici ticarətində böyük kəsir yarana bilərdi (Marja).
