"Bu il optimisit ssenari ilə Azərbaycanın qeyri-neft sektoru üzrə iqtisadi artımı 5% civarında proqnozlaşdırmışıq".
Azərbaycanda illik inflyasiya - 13%-Ə DÜŞDÜ
FED.az xəbər verir ki, bunu iqtisadiyyat nazirinin müşaviri Xəqani Abdullayev deyib.
O bildirib ki, qlobal iqtisadi vəziyyət və bununla bağlı imkanlardan, o cümlədən regionun nəqliyyattranzit imkanlarından, Orta Dəhlizlə bağlı fürsətlərdən daha sürətlə istifadə edilsə Azərbaycanın iqtisadi artım templəri daha yüksək ola bilər.
Xəqani Abdullayev həmçinin, “Standard & Poor's” beynəlxalq kredit reytinq agentliyinin Azərbaycanda bu il üzrə 0% iqtisadi artım proqnozlaşdırmasına da münasibət bildirib. O deyib ki, İqtisadiyyat Nazirliyinin daha optimist yanaşması var. Bu yanaşma da real qiymətləndirmələrə əsaslanır: “Bizim əlimizdə real qiymətləndirmələr var. Sahəvi qurumların hamısı ilə əməkdaşlıq edirik. İllik iqtisadi artım proqnozlarını demək olar ki, aylıq rejimdə dəqiqləşdiririk. Strategiya ilə bağlı da tədbirlər müəyyən edilib. Proqnozların arxasında fəaliyyətlər və məsuliyyət dayanır.”
Ümumi iqtisadi artımla bağlı proqnozlara gəlincə, nazir müşaviri deyib ki, bunun üçün neft-qaz hasilatı ilə bağlı müəyyən dəqiqləşmələrə ehtiyac var. (Apa)
