Prezident İlham Əliyev 23 aprel 2018-ci il tarixdə imzaladığı Fərmanla yerli və xarici investorlar üçün Azərbaycan iqtisadiyyatının cəlbediciliyini daha da artırmaq üçün Mülki Məcəlləyə müvafiq dəyişikliklər edib.
FED.az-ın məlumatına görə İqtisadi İslahatların Təhlili və Kommunikasiya Mərkəzinin departament rəhbəri Ayaz Çaparlı bilidirir ki, yeni Fərmana əsasən, səhmdarlar həyata keçirilən əməliyyatlar nəticəsində alıcıya vurulan zərərə görə, direktorlar məsuliyyətə cəlb edilə bilərlər. İcraçı direktor isə səhmdarların təmin olunan iddialarına görə cərimələnə, həbs edilə və ya vəzifəsindən kənarlaşdırıla bilər. Bundan əlavə, səhmdarın müvəffəqiyyətli iddiası nəticəsində məhkəmə əməliyyatını (əqdi) ləğv oluna bilər.
Eləcə də bax: Səhmdar cəmiyyətlər üçün mühüm yeniliklər - MƏCƏLLƏ DƏYİŞDİ
Səhmdar cəmiyyətinin iştirakçısı payını satdığı halda ilk öncə mövcud iştirakçılara təklif etməlidir. Həmçinin, səhmdar cəmiyyətinin 50 faiz iştirak payını alan potensial alıcı tərəfindən digər səhmdarlara tender elan etməlidir.
Məhdud məsuliyyətli cəmiyyətin aktivlərinin 51 faizinin satıldığı zaman isə cəmiyyətin iştirakçılarının razılığı tələb edilir. Bundan əlavə, iştirak payının 5 faizini təşkil edən səhmdar cəmiyyətinin iştirakçıları gündəliyə yeni müzakirə mövzularını əlavə edə bilərlər. Cəmiyyətin direktorlar şurası yalnız direktorlar şurasının üzvlərindən ibarət audit komitəsini ehtiva etməlidir.
İİTKM-in departament rəhbəri əlavə edir ki, qanunvericiliyə edilmiş dəyişikliklər Azərbaycanda cəlbedici biznes və investisiya mühitinin əlverişliyinin daha da artırılması və beynəlxalq reytinqlərdə, o cümlədən də “Doing Business 2019” hesabatında ölkəmizin mövqeyinin gücləndirilməsi üçün münbit şərait yaradacaq.
Eləcə də bax: Direktorlar üçün «soyuq duş»: Bonusları açıqlanacaq, məhkəməyə veriləcəklər
