InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.
EUR
Amerika Federal Ehtiyat Sisteminin faiz dərəcəsini 0.50%-dən 0.75%-ə kimi artırması dolların dünya birjalarında qiymətinin daha da bahalaşması ilə yanaşı, EUR/USD məzənnəsinin də ucuzlaşmasına səbəb olur. 1.0367$-a kimi ucuzlaşan məzənnə bu səviyyənin altında qalarasa, eniş trendini 1.0106$-dək davam etdirə bilər. Eyni zamanda, bu həftənin cümə axşamı, Bakı vaxtı ilə saat 17:30-da Amerikanın 3-cü rüb üzrə iqtisadi inkişaf səviyyəsinin 3-cü, yekun hesablanması açıqlanacaq.
GBP
Dünya birjalarında funt/dollar cütlüyü qiymətinin də ucuzlaşdığının şahidi oluruq. Keçən həftə ərzində 1.2375$-a kimi ucuzlaşan GBP/USD məzənnəsi bu səviyyənin altında qalarsa, 1.2223$-a kimi də ucuzlaşa bilər. Bu həftənin cümə günü Bakı vaxtı ilə saat 13:30-da Böyük Britaniyanın 3-cü rüb üzrə iqtisadi inkişaf səviyyəsinin 3-cü, yekun hesablanmasının dərc edilməsi isə investorların diqqət mərkəzində olacaqdır.
TRY
Dollar/Lirə cütlüyü tarixi rekord səviyyəsini 3.59TL səviyyəsində yenilədikdən sonra ucuzlaşmağa başlayıb. Türkiyə hökümətinin iqtisadi islahatları gücləndirməsi və yüksək inflyasiyanın qismən azalması, USD/TRY məzənnəsinin bahalaşmasının da qismən qarşısını almışdır. Məzənnə üzrə yeni artım dalğası üçün önəmli səviyyə 3.60TL-dir. Lakin qiymət bu səviyyənin altında qaldıqca, bir müddət 3.55 və 3.45TL aralığında ticarət ediləcəyi proqnozlaşdırılır.
OIL
Avropanın Brent markalı neftinin bir barel qiymətinin 57$-a kimi dəyər qazanmasından sonra 53$-a kimi ucuzlaşmışdır. Lakin ucuzlaşma müvəqqəti qiymətləndirilir və qiymətin yenidən 57$-a kimi bahalaşması proqnozlaşdırılır.
GOLD
Digər əmtəə birjalarında isə qızılın qiyməti gözlənildiyi kimi ucuzlaşmaqda davam edir. Dünya birjalarında dolların bahalaşmas, qızılın dollara nisbətən qiymətinin də ucuzlaşmasına səbəb olur. Artıq 1123$-a (36.0 $/qram) kimi ucuzlaşan qızılın bir unsiya üzrə qiyməti əlavə olaraq 1114$ (35.7 $/qram) kimi də ucuzlaşa bilər.
İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.
“İnvest-AZ İnvestisiya Şirkəti” QSC-nin
Analitika Departamenti
“İnvest-AZ İnvestisiya Şirkəti” QSC Azərbaycan Respublikasının İqtisadiyyat və Sənaye Nazirliyinin 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.
_________________________________________________________________________________
Risk bildirişi.
Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.
