Banner

İqtisadiyyat

Karqo terminallarında yüklər niyə gecikir? - GÖMRÜKDƏN AÇIQLAMA

Karqo terminallarında yüklər niyə gecikir? - GÖMRÜKDƏN AÇIQLAMA | FED.az
14:09 24 May 2019

“Karqo terminallarında gömrük yoxlamaları ilə bağlı hər hansı sıxlıq müşahidə olunmur. Gömrük normal iş üslubunda çalışır”.

FED.az xəbər verir ki, bunu Azərbaycana yüklərin çatdırılması ilə məşğul olan karqo şirkətlərinin karqo terminallarında gömrük yoxlamaları səbəbindən yüklərin gecikməsi ilə bağlı iddialarına aydınlıq gətirən Dövlət Gömrük Komitəsinin (DGK) sədri Səfər Mehdiyev deyib.

Eləcə də bax: Vergilər «Binə» və «Sədərək» məsələsini həll etdi – YENİLİK

S.Mehdiyevin sözlərinə görə, bu ildən gömrük orqanları ilə vergi orqanları bir yerdə uçotun qurulması ilə bağlı yeni qaydalar qüvvəyə minib: “Hər bir sahibkarın malları öz adına bəyan etməsi prosesi başlayıb. Bu proses 1 ay öncədən start götürüb. Həmin proses bir az sıxlıq yarada bilər, səbəbi isə ondan ibarətdir ki, ola bilsin sahibkarlar ona hələ tam hazır deyil. Onlar onu qeyd edə bilərlər. Ümumilikdə hər hansı rüsum yaxud vergidə, həmçinin gömrük nəzarətində dəyişiklik baş verməyib”.

Xatırladaq ki, son günlər Azərbaycana başqa ölkələrdən gələn yüklərin çatdırılmasında yubanmalar qeydə alınıb. Müştərilərə müraciət edən bəzi karqo şirkətləri bunun karqo terminallarındakı gömrük yoxlamaları ilə bağlı olduğunu qeyd ediblər.

Digər xəbərlər

Banner