İngiltərə və Uelsdəki iflas edən şirkətlərin sayı elektrik enerjisinin qiymətinin artması, borclanma xərclərinin artması və tələbin azalması səbəbindən 2008-ci il qlobal maliyyə böhranından bəri ən yüksək səviyyəyə çatıb.
Eləcə də bax: Rusiya bazarını tərk edən xarici bizneslər - 200-240 Milyard Dollar İtirib
FED.az xəbər verir ki, bu barədə cümə günü Financial Times qəzeti yazıb.
Nəşrin istinad etdiyi Milli Statistika İdarəsinin məlumatına görə, 2022-ci ilin ikinci rübündə Böyük Britaniyanın bu regionlarında özəl şirkətlərin 5629 iflası qeydə alınıb. Yalnız 2008-ci ilin dördüncü rübünün səviyyəsi daha yüksəkdir, 6943 belə hal qeyd olunur.
Qəzet qeyd edir ki, bu il iflas edənlərin ən böyük qrupu tikinti şirkətləridir. Qonaqpərvərlik, istehsal və pərakəndə satış sektorunda da çoxlu sayda şirkət bağlanıb.
Əksər müflis şirkətlər problemlərin əsas səbəbini enerji qiymətlərinin yüksəlməsi ilə əlaqələndirirlər ki, bu da xərclərin "qorxulu dərəcədə yüksək" olmasına səbəb olub. Bundan əlavə, kreditlər üzrə “faiz dərəcələrinin artması” və “yaxınlaşan tənəzzül” vəziyyəti daha da gərginləşdirir.
Statistik məlumatlara görə, 2021-ci il üçün Böyük Britaniyada 5,5 milyon kiçik müəssisə (1-dən 49 işçiyə qədər), 35,6 min orta (50-249 işçi) və 7,7 min iri (250 işçi və daha çox) müəssisə var. (Marja)
